معلش يا جماعة البوست ده ممكن يكون مش طبيعي شوية
بس ده اللي انا حاسه دلوقتي .. مش طايق الدنيا
تعبان .. زهقان .. مخنوق .. عايز اصرخ بعلو صوتي
مش عارف .. اقول ايi
بس ده اللي انا حاسه دلوقتي .. مش طايق الدنيا
تعبان .. زهقان .. مخنوق .. عايز اصرخ بعلو صوتي
مش عارف .. اقول ايi
نفسي اسجد وقلبي يسجد زي ما كنا زمان
ندعي ونبكي لربنا العزيز المنان
حاسس اني مش انا و ان انا محبوس جوايا انا
كل ما احاول اطلع الاقي حد يرجعني مطرحي تاني
اطلع منين بس يا رب .. ايوه هي دي
يااااااااااااا رب .. اشكو اليك حالي
واتووووووووب اليك
فقررت انا اني اطلع في دمعة تنزل من عيني
فكتبت القصيدة دي
***************************
عفوا .... دمعتي
يا دمعة نازلة من عيني
يا اجمل حاجة جوايا
يا ساكنة خدودي ويايا
ومن قلبك
تفيضي عليه بحنانك
وبتدفيني بلهيبك
يا دمعة نازلة من عيني
بحبك موووووت
بحس معاكي بأماني
وبشكيلك همومي كثير
واقسى عليكي بكلامي
لكني مليش غيرك
في كل لحظة في حياتي
في ايامي في لياليه
في حزني .. في فرحي .. في آلامي
مليش غيرك يدفيني
ويمسح عني آلامي
ويسمع مني أهاتي
ويشيل عني كل هموم
رميتها الدنيا في كلامي .. وافعالي
ومين غيرك يداويني
يا دمعة نازلة من عيني
مليش غيرك ... ومين غيرك
أبوح له باللي جوايا
أقول مواويل ... لكن ده كثير
عليه وربنا ده كثير
يا دمعة نازلة من عيني
أنا آسف
شيلتك هم فوق همك
وسهرتك معايا كثير
أقولك إيه ؟؟
و أعيد لك إيه ؟؟
ولكني هقول كلمة
يا ريت تقبليها مني
عفوا
يا دمعة نازلة من عيني
أنا
انا اقولك الحل هو فى التقرب من الله سبحانه وتعالى
ReplyDeleteوحكاية الدمعة اللى مش عاوزة تنزل دى ياريت تشم بصل عشا تنزل ههههه
ماشاء الله جامدة اوى القصيدة المرتجلة دى
مش عارفة اقولك ايه.......لما كنت بقرا الكلام ده حسيت كأني أنا اللي كتباه .......كانك بتقرا اللي جوايا.....انا حاسة اني تايهة اوي وبعيد عن ربنا.....حتى الدعاء ما بقيتش قادرة ادعيه......بجد كل كلمة في البوست ده حسيت انها بتتكلم عني......بس للأسف....دموعي تقسو علي وتمتنع عيني عن البكاء........
ReplyDeleteبوست جميل
ReplyDeleteماشاء الله قصيده هايله
تحياتى
بوست جميل
ReplyDeleteماشاء الله قصيده هايله
تحياتى
بتعتذرلها ليه بس
ReplyDeleteهي عاوزة كدة
وبتحب كدة
هي اصلا بتاعة كدة
معلش صبرا
واهو هنعمل ايه
بدل مانطق
اهو احنا بندمع
تحياتي
الدمعة مخلوقة سحرية رغم مرارتها
ReplyDeleteتدوينة جميلة .. تحياتي
فرج الله همك وازاح ضيقك وكربك
ReplyDeleteاقول لحضؤتك ع الوصفه السحريه اللى بتجيب معايا نتيجه على طووول اول ما بحس بالحاله دى
آجى بالليل والعالم كلها نايمه اتوضى واقعد اناجى ربنا واشكيله من حالى وابكى واتضرع واطلع كل اللى جوايا....والله بصدق بييجى الفرج على طووووول...كفايه انك بتحس ان جبل هموم اتزاح من على كتفك
ربنا يصلح حالنا جميعا
تحياتى،،،
عبد الله حسني
ReplyDelete********
ربنا يعزك وجوزيت خيرا اخي الكريم على المرور العطر ده
ويا ريت متكونش اخر زيارة
دواير
ReplyDelete*****
ربنا يكرمك ع المرور الذي انارني .. وده تقريبا اللي كنت حاسه واللي خلاني اخرت الرد لحد سابع رد يجييلي لاني كنت محتاجه اوي ومحتاج اتكلم معاه واناجيه وافضفض له واخد قرار بحاجات هتخليني افضل
وانتظروا مني البوست القادم بوست طلقة باذن الله
حسام يحي
ReplyDelete*********
جزاكم الله خيرا اخي في الله .. وبجد اسعدتني زيارتك .. وشوفت مدونتك وعجباني ربنا يوفقك يا رب
اما عن القصيدة فربك يتقبل ودعواتك يا عسلووز
بنت الاسلام
ReplyDelete*********
مش عارف اقلك ايه بجد ربنا يكرمك وهي فعلا بتاعة كده .. لكن كنا مشتاقينلها اوي ... وبنحبها اوي اوي وبندعي ربنا ما يحرمنا منها ابدا
ونورتي مدونتي المتواضعة .. ويا ريت تنورينا تاني ومش تبقى اخر مرة
يارب تكون بخير
ReplyDeleteنقلك لاحساسك ده وصرختك بالكتابة باذن الله تكون خطوة اولي في الرجوع احسن من الاول
...
ضحكني اوي تعليق عبد الله حسني
لما بيقلك شم بصل
:)))
..
علي فكر والله كلنا عندنا احساس بالقرف والبعد عن ربنا وكلنا متضايقين
انا هنفجر برضه
بس مش بحاول اني اقرب من ربنا
استغفر الله العظيم
يأست من اني ارجع احسن
..
ربنا يفك الكرب
...
وربنا يغسل قلبك
وتنزل دموعك وتلمس وجهك وتحرمه علي النار يارب
وايانا
..
دودو
uniqe
ReplyDelete*****
فعلا الدمعة دي مخلوقة جمييييلة جدا وربنا ما يحرمنها منها وجوزيت خيرا على مرورك وربنا يكرمك اخي
حطم القيود
ReplyDelete***********
اولا جوزيت الجنة بمرورك عندي وانك تضفوا علي بنورك يا ريس
ثانيا :
انت عارف ان المشكلة انك تكون عارف الوصفة وطريقة عملها وتحس انك مش قادر تعملها وكان حاجة ربطاك ومنعاك وهي طبعا ذنوبك اللي مخلياك تقيل ولكن هي فعلا اجمل وصفة من اجمل البشر الذي علمنا اياهها نبينا صلى الله عليه وسلم وفعلا كفاية اوي تحس انك رجعتله تاني واترميت فغي حضن رحمته سبحانه وتعالى وكأنك بتقوله انا ماليش غيرك يا مالك الملوك
عزيزتي دودو
ReplyDelete************
يااااااااه .. اخيرا نورتينا بجد انا افتكرتك نسيتنيا وربنا يبارك فيكي على كليماتك البسيطة والتي تحمل كثيرا من المعاني التي كثيرا ما نجدها متناثرة في قلوبنا ولكننا في مثل هذه الاوقات
نحتاج الى ان نلملم اشلاء ما بداخلنا من معاني ومشاعر ونقاوم انفسنا ونبتهل اليه جل وعلا حتى تنزل دموعنا
التي نجهدها معنا وتغسل وتذيب ما فوق عاتقنا من جبال وتلال من هموم وذنوب
ثم ناتي في النهاية الى ان نعتذر لها ولا اييييييييييه ؟؟
مستنيينك تعدي علينا تاني ومش تنسينا كده تاني وبجد انرتي كل اركان مدونتي المتواضعة يا دودو
اقرا الرد ده للاخر عشان هطلب منك طلب
ReplyDelete...
من فضلك
...
انا بعت التعليق معرفش موصلش ليه بس
هكتبه تاني
:)
..
ربنا يكرمك كلامك اسعدني والله
ومش ممكن انسي مدونة حبيتها
بس كل الحكاية ان كان ليا كام يوم الجو مش مساعدني حتي ادخل مدونتي
بس الحمد لله رجعت تاني
..
سؤالك صحي جوايا حاجة ..سؤالك الاتي
:
جربتي وانتي بتسجدي ان قلبك يسجد وتقومي تحسي انه لسه ساجد؟
جربت الاحساس ده مرة او اتنين عارف امتي في صلاة العيد
بس مبقتش احسه تاني
عارف سؤالك فكرني بحاجة مهمة اوي
فكرني ان ليا قلب له رب خلقه
ومن حق الخالق ده عليا انه يبقي له في قلبي مكان
طبعا كلنا جوانا ربنا مهما توهمنا العكس عشان سبحانه وتعالي نفخ فينا من روحه
واثر ده لسه جوانا عشان كده مهما بعدنا بنرجع لربنا
...
بس انا نفسي احس ربنا من تاني
بجد والله انا جوايا مظلم اوي
جوايا علقات سوداء عاوزة ربنا يشرح لي صدري
...
بس عارف دايما بفتكر اية عظيمة اوي ومفزعة اوي بتقتلني والله لما اقراه
بس هي بتشرح حالتي
بسم الله الرحمن الرحيم
"فمن يرد الله أن يهديه يشرح صدره للإسلام ومن يرد أن يضله يجعل صدره ضيقاحرجا كأنما يتصعد في السماء"
صدق الله العظيم
:..
هو ده احساسي وبلاش افسر اكتر
بس والله انا جوايا ظلام اوي وربنا ينورني يارب بنوره وكلنا يارب
...
اسفة طولت بس سؤالك عملي صدمة
جزاء طيب لك من الله وثوابا لا ينقطع باذن الله
...
ادعيلي
..
ربنا يحفظك
..
دودو
صباح الخير
ReplyDeleteيارب النهاردة تكون احسن
بشكرك لاستجابتك
والدعاء لك ولكل المسلمين باذن الله
...
احم ليا طلب
متقليش حضرتك ناديني باسمي انا اختك اعتقد
اصل مش متخيلة حد يقلي حضرتك
صحيح 24 بس مش حاسة اني كده الي بيشوفني بيقلي 20
اه بجد والله اقصد كلمة حضرتك بتكبرني
وانا عاوزة اصغر
:))))))))
ربنا يكرمك يارب
انت اسمك ايه ؟؟
اصل بنكسف اقلك ياغاوي حرية ازيك مثلا
يارب مكنش ضيفة رخمة في مدونتك
ربنا يحفظك
..
دودو
ما اجمل هذه الدموع
ReplyDeleteياعزيزى
ReplyDeleteالدموع مثل السحاب تنهمر الى حبات من المطر بعدها تنقشع السماء ويظهر ذلك اللون السماوى ونفرج الاسارير وتظهر علينا السعادة...قصيدة رائعة تنم عن شاهر رقيق الحس .تحياتى لك